શું મોદી સતત ત્રણ વખત વડાપ્રધાન બનવાના પંડિત નેહરુના રેકોર્ડની બરાબરી કરશે? શું ભાજપનો 370 અને NDAનો 400 પાર કરવાનો દાવો પૂરો થશે? શું 10 વર્ષ પછી કોંગ્રેસને સત્તામાં વાપસીની તક મળશે? આજે આ ત્રણ સૌથી મોટા પ્રશ્નોના જવાબ આપવાનો દિવસ છે.
આજે સવારે 8 વાગ્યાથી 542 લોકસભા સીટોની મતગણતરી શરૂ થશે. તે પોસ્ટલ બેલેટથી શરૂ થશે, ત્યારબાદ EVM મતોની ગણતરી કરવામાં આવશે. આગામી બે કલાકમાં નવી સરકારની સ્થિતિ લગભગ સ્પષ્ટ થઈ જશે. 2 વાગ્યા સુધી ઉજવણી અને નિરાશાની તસવીરો પણ જોવા મળશે.
16 માર્ચે ચૂંટણી પંચે 7 તબક્કામાં 543 લોકસભા બેઠકો માટે મતદાનની તારીખોની જાહેરાત કરી હતી. વડાપ્રધાન મોદીની વારાણસી સહિત 57 બેઠકો પર 19 એપ્રિલથી મતદાન શરૂ થયું હતું, જે 1 જૂને સમાપ્ત થયું હતું. 44 દિવસની આ ચૂંટણી 1952 પછી સૌથી લાંબી હતી. તે 1952માં 4 મહિના સુધી ચાલી હતી. અગાઉ તે સામાન્ય રીતે 30થી 40 દિવસમાં સમાપ્ત થતી હતી.
1 જૂનના રોજ જાહેર થયેલા 12 મુખ્ય એક્ઝિટ પોલ અનુસાર ભાજપ સતત ત્રીજી વખત સરકાર બનાવશે તેવું લાગી રહ્યું છે.
કયા રાજ્યમાં કેટલું મતદાન નોંધાયું?
NDA સરકાર સત્તામાં આવશે તો મોદી 9 જૂને સતત ત્રીજી વખત શપથ લઈ શકે છે
19 એપ્રિલથી 1 જૂન વચ્ચે લોકસભાની 542 બેઠકો માટે મતદાન થયું. 4 જૂન મંગળવારે સવારે 8 વાગ્યાથી મતગણતરી.
કેન્દ્રમાં સરકાર રચવા માટે ભાજપની આગેવાનીવાળા નૅશનલ ડેમૉક્રૅટિક ઍલાયન્સ (એનડીએ) અને ભારતીય રાષ્ટ્રીય કૉંગ્રેસની આગેવાનીવાળા ઇન્ડિયન નૅશનલ ડેવલપમૅન્ટલ ઇન્ક્લુઝિવ ઍલાયન્સ (ઇન્ડિયા) વચ્ચે ટક્કર છે.
